BYD Song Plus DM-i гэж ямар машин вэ?
Toyota RAV4-тэй ойролцоо хэмжээтэй 5 хүний SUV. Хотын өдөр тутмын замыг цахилгаанаар, хол замыг бензин-цахилгаан хосолсон горимоор явдаг. BYD-ийн Хятад дахь хамгийн их зарагдсан SUV. 2021 оноос хойш 1 саяас илүү ширхэг үйлдвэрлэгдсэн.
BYD нэг машиныг Хятадад нэг нэрээр, экспортод өөр нэрээр зардаг. YouTube, Google-ээс англиар хайхдаа «BYD Sealion 6» гэж хайвал илүү их мэдээлэл олдоно.
Sealion 6 болон Seal U нь 2023 оны 6-р сард шинэчлэгдсэн хувилбар дээр суурилсан. Энэ 2021 оны машин түүнээс өмнөх хувилбар юм. Гадна төрх, батерей, цахилгаанаар явах зай нь өөр. Англи тоймоос харсан тоо, тоноглолыг энэ машинд шууд бүү хамааруул.
| Энэ машин · Song Plus 2021 (51 км) | Sealion 6 DM-i (экспорт, урд хөтлөгч) | |
|---|---|---|
| Хувилбар | Анхны хувилбар, 2021.03–2023 | 2023.06-ны шинэчлэлт дээр суурилсан, 2024-өөс |
| Гадна төрх | Хуучин grill, урдаа «宋» тэмдэгтэй | Шинэ гэрэл, урдаа BYD лого |
| Батерей | 8.3 kWh | 18.3 kWh (26.6 kWh-ийн хувилбар бас бий) |
| Цахилгаанаар (NEDC) | 51 км | ~92 км |
| Цахилгаан мотор | 132 кВт | 145 кВт |
Хамгийн ойр ихэр нь Бразилд 2022–2024 онд «Song Plus» нэрээр зарагдсан хувилбар. Гадна төрх нь адил, батерей нь 8.3 kWh.
Хэнд тохирох вэ?
Тохирох хүн
- Өдөрт 30–40 км хотоор явдаг, гэртээ эсвэл ажил дээрээ цэнэглэж чадах хүн
- Хол замд цэнэг хайх санаа зоволтгүй явах хэрэгтэй хүн (бүтэн сав, бүтэн цэнэгтэй 1,000 км орчим)
- Том ачааны тэвш, том дэлгэц, гэрэлт дээвэр хүсэж буй гэр бүл
Анхаарах зүйл
- 51 км-ийн хувилбарт хурдан цэнэглэлт (DC) байхгүй, зөвхөн удаан цэнэглэнэ
- Газраас өндөр нь ~160 мм. Япон SUV-аас намхан тул шороон замд болгоомжтой яв
- Хятад дахь баталгаат хугацаа Монголд хүчингүй
Машиныг бичлэгээр үзэх
Дарахад YouTube тоглуулагч нээгдэнэ. Хувилбарын шошгыг анхаарна уу.
DM-i систем хэрхэн ажилладаг вэ?
Дугуйг голдуу цахилгаан мотор эргүүлдэг. 1.5 литрийн бензин хөдөлгүүр ихэнх үедээ генератор болж батерейг цэнэглэдэг. Хурдны замд дугуйг шууд эргүүлдэг. Toyota-гийн Hybrid-тэй төстэй, харин батерей нь хэд дахин том бөгөөд залгуураар цэнэглэгддэг.
| 2021 оны хувилбарууд | 51 км | 110 км | 100 км 4WD |
|---|---|---|---|
| Батерей (LFP «Blade») | 8.3 kWh | 18.3 kWh | 18.3 kWh |
| Цахилгаанаар, NEDC / WLTC | 51 / 43 км | 110 / 85 км | 100 / 81 км |
| Хөдөлгүүр | 1.5 л, 81 кВт | 1.5 л, 81 кВт | 1.5 турбо, 102 кВт |
| Мотор | 132 кВт | 145 кВт | 145 + 120 кВт |
| 0–100 км/ц | 8.5 сек | 7.9 сек | 5.9 сек |
| Хурдан цэнэглэлт (DC) | Байхгүй | 18 кВт | 18 кВт |
| Жин | 1,700 кг | 1,790 кг | 1,975 кг |
| Шинээр үнэ (Хятад, 2021) | 154.8–164.8 мян ¥ | 167.8–187.8 мян ¥ | 207.8–218.8 мян ¥ |
Бүх хувилбарт: бензин AI-92, сав 60 л, дугуй 235/50 R19, эргэдэг 12.8" дэлгэц (зарим нь 15.6"), машинаас 220V гаргах (V2L, 3.3 кВт).
Улаанбаатарт цахилгаанаар хэдэн км явах вэ?
Судалтай мөрүүд нь ShuudMotors-ийн тооцоо, хэмжилт биш. 2021 оны хувилбарт дулааны насос (heat pump) байхгүй. Хүйтэнд салон, батерейг халаахын тулд бензин хөдөлгүүр ойр ойрхон асдаг. Энэ бол гэмтэл биш, системийн хэвийн ажиллагаа.
Хаана, хэр удаан цэнэглэх вэ?
Гэртээ
Энгийн 220V залгуураар 8.3 kWh-ийн батерей 4 цаг орчимд дүүрнэ. Хананд суурилуулах цэнэглэгчээр ~2.5 цаг.
Залгуурын төрөл
Хятадын GB/T стандарт. Европ Type 2-той станцад шууд таарахгүй тул адаптер хэрэгтэй. 51 км-ийн хувилбар хурдан цэнэглэх станц ашиглах боломжгүй.
Машинаас цахилгаан авах (V2L)
Тусгай залгуураар машинаас 220V, 3.3 кВт хүртэл цахилгаан гаргана. Зуслан, хөдөө гэрт гэрэл, данх, хөргөгч асаахад тохиромжтой.
Таны мэддэг машинтай харьцуулбал
| Song Plus DM-i | Toyota Harrier (2013–2020) | Toyota RAV4 (2019+) | |
|---|---|---|---|
| Урт | 4,705 мм | 4,720 мм | 4,600 мм |
| Өргөн | 1,890 мм | 1,835 мм | 1,855 мм |
| Өндөр | 1,680 мм | 1,690 мм | 1,685 мм |
| Тэнхлэг хоорондын зай | 2,765 мм | 2,660 мм | 2,690 мм |
Тэнхлэг хоорондын зай Harrier-аас 10 см урт тул хойд суудал илүү өргөн. Ачааны тэвш 574 л, суудал эвхвэл 1,600 л. Toyota-гийн тоо.
100 км явахад хэдэн төгрөг вэ?
Тариф НӨАТ-тай (2026.06-ны ЭХЗХ-ны тариф). Бензин AI-92, 2026.01-ний үнэ. 17 kWh болон 6 л нь цэнэглэх алдагдал, УБ-ын түгжрэлийг тооцсон бидний дүгнэлт. Жишээ: өдөрт 30 км цахилгаанаар явбал сард 31,000₮ орчим болно. Бензинээр явбал 140,000₮ орчим.
Аль оных вэ гэдгийг хэрхэн ялгах вэ?
| Хугацаа | Хятадад нэр | Ялгаа |
|---|---|---|
| 2021.03 – 2023 | Song PLUS DM-i (2021款) | Анхны хувилбар. 51 ба 110 км. Урдаа «宋» тэмдэг. |
| 2023.06 – | Champion Edition (冠军版) | Шинэ grill, BYD лого. 150 км-ийн хувилбар нэмэгдсэн. Экспортын Sealion 6 үүн дээр суурилсан. |
| 2024.07 – | DM 5.0 (2025款) | 5 дахь үеийн DM-i. 75, 112, 160 км. Бензин зарцуулалт бага. |
| 2026.01 | — | Хятадын худалдаанаас хасагдсан. Оронд нь Sealion 06. |
Эзэмшигчдийн гомдол, эргүүлэн татлага
Хятадын эзэмшигчдийн гомдлын сайт (12365auto) дээрх 2021 оны DM-i-ийн давтагддаг гомдол. Гомдлын тоо нь гэмтлийн давтамжийг илэрхийлэхгүй.
Эргүүлэн татлага
2021 оны Song Plus DM-i-д хамаарах Хятадын эргүүлэн татлагыг бид олоогүй. 2025.11-д батарейн багцын асуудлаар эргүүлэн татагдсан нь Qin PLUS DM-i седан бөгөөд Song Plus-т хамаарахгүй. Машин бүрийн VIN-ийг BYD-ийн дилерээр шалгуулна.
Монголд засвар хийлгэх боломж
Баталгаат хугацаа
Хятадад батарейд «анхны эзэмшигчид насан туршийн» баталгаа, машинд 6 жил / 150,000 км өгдөг. Эдгээр нь зөвхөн Хятад дахь анхны эзэмшигчид хамаарна. Монголд импортолсон машинд хүчингүй.
Сэлбэг
Хятадад 1 саяас их ширхэг зарагдсан тул дугуй, тоормос, шүүлтүүр, гэрэл зэрэг элэгддэг сэлбэг Эрээнээс хурдан ирнэ. Батерей, моторын засварыг BYD-ийн албан ёсны засварын газар хийнэ.
Зээлээр авах боломж
PHEV тул 2026.04.29-ний Засгийн газрын «Ногоон тогтоол»-оор ногоон ангилалд багтана: ногоон дугаар, дугаарын хязгаарлалтаас чөлөөлөгдөнө. Харин банкны ногоон зээл ихэвчлэн 3 жилээс бага настай машин шаарддаг. Иймд 2021 оны машин тэнцэхгүй байх магадлалтай. Насны шаардлага уян хатан зээл олгогчийг тооцоолуураас харна уу.
Одоо захиалах боломжтой Song Plus DM-i
Асуулт, хариулт
Song Plus DM-i ба Sealion 6 нэг машин уу?
Нэг загварын машин. Sealion 6 нь 2023 оны шинэчлэлт дээр суурилсан экспортын нэр. 2021 оны Song Plus-аас гадна төрх, батерейгаараа ялгаатай.
Цэнэглэхгүйгээр бензинээр л явж болох уу?
Болно. Энгийн Hybrid машин шиг ажиллана. Бензин зарцуулалт 100 км-т 6 л орчим болно. Цэнэглэж явбал хамаагүй хямд.
Өвөл −30°C-т асах уу?
Бензин хөдөлгүүртэй тул хүйтэнд асаах нь цэвэр цахилгаан машинаас найдвартай. Цахилгаанаар явах зай хоёр дахин богиносно гэж тооцоорой.
Батерейг солиход хэр үнэтэй вэ?
Одоогоор баталгаатай үнийн мэдээлэл байхгүй. LFP батерей удаан эдэлгээтэй. Үзлэгийн тайланд батерейн эрүүл мэнд (SOH) харагдана.