BYD Song Plus EV гэж ямар машин вэ?
Toyota RAV4-тэй ойролцоо хэмжээтэй 5 хүний цэвэр цахилгаан SUV. Бензин хөдөлгүүргүй, зөвхөн батерейгаар явна. 2021 оноос зарагдаж, 2023 оны 6-р сард шинэчлэгдсэн. Гадна төрхөөрөө Song Plus DM-i-тэй ижил, харин техник нь огт өөр.
YouTube, Google-ээс англиар хайхдаа «BYD Seal U» гэж хайвал илүү их мэдээлэл олдоно. Seal U нь 2023 оны шинэчлэлт дээр суурилсан.
Ижил нэр, ижил их биетэй Song Plus DM-i нь бензин хөдөлгүүртэй Plug-in Hybrid. Энэ хуудас зөвхөн цэвэр цахилгаан Song Plus EV-д хамаарна. Зарын гарчигт «EV» эсвэл 505/520/605 км гэж бичсэн байдаг.
| 2021–2023 (анхны) | 2023.06 – (шинэчлэгдсэн) | |
|---|---|---|
| Батерей | 71.7 kWh | 71.8 эсвэл 87.04 kWh |
| Явах зай | 505 км (NEDC) | 520 эсвэл 605 км (CLTC) |
| Мотор | 135 кВт | 150 эсвэл 160 кВт |
| Урт | 4,705 мм | 4,785 мм |
Хоёр үе нь урдах дугуйгаар хөтлөгдөнө. Seal U нэрээр Европт зарагддаг нь шинэчлэгдсэн үе.
Хэнд тохирох вэ?
Тохирох хүн
- Өдөр бүр гэртээ эсвэл ажил дээрээ цэнэглэж чадах, бензинийн зардлаа бүрэн хасах хүсэлтэй хүн
- RAV4, Harrier хэмжээний, өндөр суудалтай, ачааны тэвш сайтай SUV хүсэж буй гэр бүл
- Хотоор голдуу явдаг, цахилгаан машинд хямд үнээр орох хүсэлтэй хүн
Анхаарах зүйл
- Бензин хөдөлгүүргүй: хол замд, ялангуяа өвөл цэнэглэх станц хайх хэрэгтэй
- Өвөл −20°C-т явах зай мэдэгдэхүйц богиносно
- 2021 оны анхны үе нь шинэчлэгдсэнээс явах зай бага, тоноглол хуучин
- Хятад дахь баталгаат хугацаа Монголд хүчингүй
Машиныг бичлэгээр үзэх
Дарахад YouTube тоглуулагч нээгдэнэ. Хувилбарын шошгыг анхаарна уу.
Хувилбарууд юугаараа ялгаатай вэ?
Бүх хувилбарт BYD-ийн LFP «Blade» батерей, урд дугуйгаар хөтлөх нэг мотор.
| Хувилбар | 2021 EV | 2023+ EV 520 | 2023+ EV 605 |
|---|---|---|---|
| Батерей | 71.7 kWh | 71.8 kWh | 87.04 kWh |
| Явах зай | 505 км (NEDC) | 520 км (CLTC) | 605 км (CLTC) |
| Мотор | 135 кВт | 150 кВт | 160 кВт |
| Урт × өргөн × өндөр | 4,705 × 1,890 × 1,680 мм | 4,785 × 1,890 × 1,660 мм | 4,785 × 1,890 × 1,660 мм |
| Жин | — | — | 2,050 кг |
| Шинээр үнэ (Хятад, 2023) | — | 169.8–189.8 мян ¥ | 209.8 мян ¥ |
Тэнхлэг хоорондын зай бүх үед 2,765 мм. Хурдан цэнэглэлтээр 30%-аас 80% хүртэл 30 минут орчим.
Улаанбаатарт нэг цэнэглэлтээр хэдэн км явах вэ?
Судалтай мөрүүд нь ShuudMotors-ийн тооцоо, хэмжилт биш. Хятадын CLTC тест бодит замаас өөдрөг байдаг тул зун 20%, хүйтэнд салон, батерейг халаах зарцуулалтаас болж 45% орчим бууруулж тооцов. 2021 оны 505 км-ийн (NEDC) хувилбар үүнээс бага явна.
Хаана, хэр удаан цэнэглэх вэ?
Гэртээ
Хананд суурилуулах 7 кВт-ын цэнэглэгчээр 72 kWh-ийн батерей 11 цаг орчимд дүүрнэ (батерейн багтаамжийг 7 кВт-д хуваасан бидний тооцоо). Шөнөжин цэнэглэхэд хангалттай.
Хурдан цэнэглэлт
30%-аас 80% хүртэл 30 минут орчим. Залгуур нь Хятадын GB/T стандарт тул Европын Type 2 станцад адаптер хэрэгтэй.
Таны мэддэг машинтай харьцуулбал
| Song Plus EV (2023+) | Toyota Harrier (2013–2020) | Toyota RAV4 (2019+) | |
|---|---|---|---|
| Урт | 4,785 мм | 4,720 мм | 4,600 мм |
| Өргөн | 1,890 мм | 1,835 мм | 1,855 мм |
| Өндөр | 1,660 мм | 1,690 мм | 1,685 мм |
| Тэнхлэг хоорондын зай | 2,765 мм | 2,660 мм | 2,690 мм |
Harrier-аас бага зэрэг урт, өргөн. Тэнхлэг хоорондын зай 10 см урт тул хойд суудал илүү өргөн. 2021 оны анхны үе 8 см богино (4,705 мм).
100 км явахад хэдэн төгрөг вэ?
100 км явахад. Цахилгаан: айл өрхийн тариф 184₮ + НӨАТ = 202₮/kWh (2026.06). Бензин AI-92 2,590₮/л (2026.01). 17 kWh нь цэнэглэх алдагдал, УБ-ын түгжрэлийг тооцсон бидний дүгнэлт. Жишээ: сард 1,500 км явбал цахилгаанд 51,000₮ орчим, ижил хэмжээний бензин машинд 350,000₮ орчим.
Аль оных вэ гэдгийг хэрхэн ялгах вэ?
| Хугацаа | Хятадад нэр | Ялгаа |
|---|---|---|
| 2021.04 – 2023 | Song PLUS EV (2021款) | Анхны үе. 71.7 kWh, 505 км (NEDC). Урдаа «宋» тэмдэг, урт нь 4,705 мм. |
| 2023.06 – | Champion Edition (冠军版) | Шинэ гадна төрх, урдаа BYD лого. 520 ба 605 км. Европт Seal U нэрээр. |
| 2024 – | Honor Edition (荣耀版) | Үнэ буурсан, техник нь Champion-тэй ижил. |
| 2025 – | Smart Driving (智驾版) | BYD-ийн «God's Eye» жолоочийн туслах систем нэмэгдсэн. |
Эзэмшигчдийн гомдол, эргүүлэн татлага
Энэ загварын эзэмшигчдийн гомдлын судалгааг бид хараахан хийж амжаагүй. Доорх нь цэвэр цахилгаан машин авахад бидний заавал шалгадаг зүйлс.
Эргүүлэн татлага
Song Plus EV-д хамаарах эргүүлэн татлагын мэдээллийг бид нарийвчлан шалгаж амжаагүй. Машин бүрийн VIN-ийг BYD-ийн дилерээр шалгуулна.
Монголд засвар хийлгэх боломж
Баталгаат хугацаа
Хятад дахь баталгаа (батарейн баталгаа г.м.) зөвхөн Хятад дахь анхны эзэмшигчид хамаарна. Монголд импортолсон машинд хүчингүй.
Засвар үйлчилгээ
Бензин хөдөлгүүргүй тул тос, шүүлтүүр, свеч солих шаардлагагүй. Их бие, дотор тал нь Song Plus DM-i-тэй нийтлэг тул эдгээр сэлбэг олдоход хялбар. Батерей, моторын засварыг BYD-ийн засварын газар хийнэ.
Зээлээр авах боломж
Цэвэр цахилгаан тул 2026.04.29-ний Засгийн газрын «Ногоон тогтоол»-оор ногоон ангилалд багтана: ногоон дугаар, дугаарын хязгаарлалтаас чөлөөлөгдөнө. Харин банкны ногоон зээл ихэвчлэн 3 жилээс бага настай машин шаарддаг тул 2021–2022 оных тэнцэхгүй байх магадлалтай. Насны шаардлага уян хатан зээл олгогчийг тооцоолуураас харна уу.
Одоо захиалах боломжтой Song Plus EV
Асуулт, хариулт
Song Plus DM-i-тэй нэг машин уу?
Их бие, дотор тал нь ойролцоо, харин Song Plus EV нь бензин хөдөлгүүргүй, зөвхөн батерейгаар явна. Зарын гарчигт «EV» гэж бичсэн эсэхийг харна.
Seal U нь энэ машин уу?
Тийм, Европт 2024 оноос «Seal U» нэрээр зарагддаг нь 2023 онд шинэчлэгдсэн Song Plus EV. 2021 оны анхны үе гадна төрх, явах зайгаараа ялгаатай.
Өвөл −30°C-т явах уу?
Явна. Гэхдээ явах зай бараг хагас болно гэж тооцоорой. Гадаа удаан зогсоох бол цэнэгийг 30%-иас доош буулгахгүй байх нь зүгээр.
Батерейг солиход хэр үнэтэй вэ?
Одоогоор баталгаатай үнийн мэдээлэл байхгүй. LFP батерей удаан эдэлгээтэй. Үзлэгийн тайланд батерейн эрүүл мэнд (SOH) харагдана.